salü, wo bisch? wie gsehts mit dä hüürat us???

glii....

Aber z'erscht muess sie ihres Visum ha, und dänn sind no die 10 Täg Wartezyt.

Hey Bessem

Vergiss denn aber nid, üs Bscheid geh, gell Grüessli und toi, toi, toi.

Manuela

hey super, häsches doch endlich gschafft...? aber ebe gäll, ich glaubes erst wenn s'sowiit isch!

also, wenn sindmer iiglade zum grosse fescht?

Visum hed si, und am Donschtig flügt si

...super!und ebä wenn sind mer iigladä!!!

Hi Bessem,
I dem Fall häsch jetzt dis zuekünftige Fraueli scho bi Dir, oder?

Eifach nid vergesse, üs denn säge, wenn mir mönd zum Apéro cho, gell

Grüessli Manu

Ja sie isch da

Also am 22.-24 wird mal in Hafouz gfiiret.
Wers gfint isch iglade

Und dänn am 30. no Zivil i dä Schwyz.
Wägem Apero simmer no am luege, wüssed nunig wänn und wo.

ja was, händers dochna bald gschafft??

was ich jetzt aber nöd so ganz verstah....sie isch da, aber gfiired wird in tunesien? nachher aber na ide schweiz?? weisch mir würded alli gern das datum vom apero reserviere i eusne kalender!!!

Hoi bessem,

das find ich mega toll, dass es jetzt doch äntlig no klappt bi euch! Nachdäm mir s'letscht Johr am gliiche Tag uff dr Schwizer Botschaft z'Tunis gsi sinn wie dini Liebschti, und dir gliich no so lang händ miesse warte...

Ich wünsch euch e schöns Fescht!!

Ja, isch chli schräg mit de Termine
Aber d Reservatione in Tunesie hämmer scho länger gmacht, und das mitem vorhär zivil hürate hed grad knapp nümme glanget.

Also schribed ü mal de 30. August 15:00 id Agenda